الحقيقة ما كنتش متصور ان البوست السابق سينال كل هذا القدر من التعليقات و بالذات من ناس جداد على المدونة..و على العموم انا بارحب بكل من علق و كل من لم يعلق و الاختلاف فى الرأى لا يفسد للود او الاحترام المتبادل قضية
و بما ان البوست اللى فات زعل ناس كتير (و بالذات البنات) و بما ان زعلهم ما يهونش عليا و ماكنتش اتمنى ان بدايتى معاهم تكون اختلاف...هاحب اوضح بعض النقط بس عن طريق اعادة تفنيد السطور القليلة المكونة
للبوست السابق التى ربما اسىء فهمها و كل واحد فسرها على مزاجه لانها فعلا مختصرة جدا
الى اصحاب القلوب الرحيمة
يا ناس مش كده..حرام و الله العظيم حرام
ارحموا الشباب شوية..ده احنا لحم و دم يا ناس
بداية الرسالة شاب يوجه نداء لاصحاب القلوب الرحيمة وهو ببساطة شاب مالوش علاقات نسائية
قوية او بمعنى اخر يعنى ممشيش مع بنات و لا حسس و اعتذر و لا تحرش بحد من الجنس الاخر لا سمح الله
و اقوى علاقاته الحسية مع الجنس الاخر هى السلام باليد و بالتالى فنحن امام كتلة من الطاقة التى ترغب فى الانفجار
و لا تتحمل المزيد من الاثارة او الاستثارة
و طبعا مش محتاج اوضح ان الشاب ده اوضاعه المادية مش مدياه فرصة الجواز دلوقتى يعنى لو كان يقدر يتجوز كان ريحكوا و ريح نفسه و ريحنى انا كمان
و فى نفس الوقت ما حدش يطلع يقوللى ده نداء للغرائز و البوهيمية و ياى و حاجة تقرف و كلام من ده فالغريزة الجنسية متواجدة عند الرجل و المرأة على السواء و عدم وجود متنفس صحى لها يمثل مشكلة بالتأكيد ..صحيح ان قوة او عنفوان هذه الرغبة يختلف من شخص لاخر و لكنها فى النهاية غريزة موجودة و لايمكن تجاهلها او ادعاء عدم اهميتها
قولوا للبنات و الانسات و السيدات يهاودوها شوية..مش كده
مش اصول لبس خالص
ما هو يأما هما حرانين قوى الصيف ده او ان فى ازمة فى القماش
و كله على حساب صحتى
رجاء من نفس الشاب للبنات و الانسات و السيدات لمراعاة ظروف الشباب و الاحتشام قليلا فى الملابس و لاحظوا معايا هنا انه هنا قال البنات و لانسات و السيدات عموما..ماقالش مثلا اللى بيمشوا فى الشارع بس او اللى بيمشوا فى النادى بس و لكن النداء هنا موجه عموما للجنس الاخر كله و كل اشكال الاثارة العارمة القادمة من جهته سواء فى الاماكن العامة او فى و سائل الاعلام ..الخ
و كمان الراجل ماطلبش ان الستات كلها تتلف فى قماش من فوق لتحت لا سمح الله فى الحر الفظيع ده لكن برضه فى نوعية لبس يبقى خفيف و نص كم كمان و محترم فى نفس الوقت و ما يلفتش النظر و اللبس اللى اراجل بيتكلم عليه هنا هو اللبس المستفز الضيق المحدد اللى بيظهر تفاصيل الجسد او اللبس القصير جدا الذى يظهر اكثر مما يكشف و اعتقد ان هذه العينة تزايدت بشكل ملحوظ فى السنيين الاخيرة و اصبحت نوعية الملابس التى كانت تلفت النظر من خمس او ست سنيين شيئا عاديا هذه الايام و بالذات فى الصيف يحدث اشياء غير طبيعية و يتم استثارة الشباب بشكل فوق العادى فمثلا
الاترى بنت تلبس بنطلون ضيق جدا لدرجة انك ترى تجسيم عضوها الانثوى و تجسيد لباسها الداخلى
الا ترى بنت تتحرك و عندما تجلس او تقوم او تمشى تضع يدها بالخلف حتى تشد البنطلون الذى بدوره ضيق جدا و قصير جدا و لا تستطسع اختها الصغرى ان تلبسه و لكنها لبسته و تدارى مساحة كبيرة جدا من ظهرها العارى تماما و فى نفس اللحظة تعرفى لون لباسها الداخلى
الا ترى بنت تقوم بعمل عرض لصدرها و للمساحات المفتوحة فى التى شيرت
الا ترى البنات التى لا تلبس لباس الصدر و ترى صدرها الحر الحركة تماما
الا ترى التى شيرتات التى توضح البطن و السرة
الا ترى الخلخال الذى تلبس معظم بنات هذا العصر
الا ترى بنت تدخن الشيشة او سجائر على المقاهى و ضحك بصوت جهورى
الا ترى البنت التى تمشى و ورائها سيارة و تنادى عليها و تركب فى كلمة ؟؟؟؟؟؟؟؟؟ ..ده غلط و ده
و مش محتاج اقول طبعا ان الظاهرة دى واضحة للعيان جدا فى الحضر و المدن بالدرجة الاولى مش فى الريف و الصعيد مثلا يعنى فمحدش يتذاكى و يستعبط و يقوللى المناظر دى نشوفها فيين او انى بمشى فى شوارع تانية غير اللى الناس بتمشى فيها
و مش معنى كده برضه انى بدى مبرر لاى شخص حالته صعبة انه يعاكس او يتحرش بالبنات فى الشارع و اقول البنات هما اللى يستاهلوا و اقول اللوم على البنت بس... بالعكس ان ضد ده تماما و الحقيقة ان اللوم على الاتنين لو البنت لبسها مستفز و على الولد بس لو البنت لبسها محترم
مش عارف اعمل ايه؟
اتجوز و اقعد فى البيت....و لا ارتكب الخطيئة
تساؤل تهكمى يحمل نوع من المبالغة و السخرية الواضحة للدلالة على الضغط الذى يواجهه هذا الشاب
و كل من سيأخذه محمل الجدية الشديدة و تركيزه على دلالته لفظيا سيعتقد ان هذا الشاب لا يمكنه السيطرة على نفسه و حالته ميئوس منها.. و هو ما يخالف الواقع
و بعد هذا التفنيد للبوست اعتقد ان استطيع الرد على الذين تفضلوا بالتعليق
فانتوماس:
انا ما قصدش الوم الستات بس لكن الشاب صاحب الرسالة ماسك نفسه فعلا لغاية دلوقتى و كل ما يرجوه من الستات للى مزويدنها فى موضوع اللبس ده انهم يساعدوه مش اكتر...علشان يفضل حاكم نفسه
tarek:
شكرا يا باشا..مانجيلكش فى حاجة و حشة
zanoubia:
لا مش ناقصات عقل و دين ولا حاجة و الست تتحمل مسئوليتها عن افعالها تمام زيها زى الراجل
shaimaa:
يارب يعينا و يعينكوا يا شيماء لغاية ما نتجوز و نرتاح
solom:
الله ينور عليك يا سولوم
socrates:
بداية احب اقلك ان زيت الكافور مش حل و زيه تمام زى العادة السرية عند الرجال و النساء فسواء الكافور او العادة السرية هى طرق لاخماد او تفريغ طاقة بيولوجية بطريقة غير الطريقة السليمة و الصحيحة و هى العلاقة الجنسية بين الرجل و المرأة و التى من المفترض ان الشكل الجتماعى السليم لها هو الزواج و يا سلام لوكان عن حب
الحل الاخر الذى تقترحيه هو التحكم فى الغرائز و هو حل اصعب فعلا و مش كل الناس تقدر عليه يمكن لان ربنا خلقلنا الغرائز بهدف اساسى لممارستها و ليس كبتها و لكن لا بد ان تكون الممارسة فى اطار اجتماعى سليم و هو الزواج و ليس لهدف الاستمتاع الصرف بالغرائز فقط و لكن هذا الاستمتاع تعقبه نتيجة اسمى و هى اعمار الارض باستمرار النسل و بما ان النموذج اللى احنا بناقشه مش قادر يصل للحل الاجتماعى و الانسانى السليم و هو الزواج فبالتالى ما فيش قدامنا فعلا غير اننا ننصحه زى مانتى بتقولى بمحاولة التحكم فى غرائزه رغم الصعوبة الشديدة لهذا الحل الذى قد يضطر صاحبه لممارسة انواع مخففة من السلوك الغير سوى (كالعادة السرية) لمنع نفسه من ممارسة علاقات اشد انحرافا (كالعلاقات الجنسية الغير شرعية )
بالنسبة لاحترام جسد المرأة و معاملته كجسد الرجل اتفق معاكى تماما و لا ادرى لماذا تتهمينى بأنى لا احترم جسد المرأة ..بالعكس فأن عرى جسد المرأة على الملأ و اتاحة مساحة كبيرة منه لمشاهدة اكبر نسبة من الناس
هو اشد مظاهر عدم احترام جسد المرأة و خصوصيته و المرأة التى تعرى جزء كبير من جسدها او تبدى تفاصيله للأخرين على الملاء هى التى قللت من احترام جسدها من الاساس و الدعوة للاعتدال فى ملابس المرأة هى دعوة لاحترام جسد المراة بالاساس
بالنسبة لنسبة الحجاب اللى ذكرتيها فهى لاتدل على شىء لان الحجاب مش مجرد غطاء للرأس بل هو سلوك و مظهر محترم فى الاساس و هناك الكثير من المحجبات غير المحترمات كما ان هناك الكثير من الغير محجبات قمة فى الادب و الاحترام و ليس معنى ذللك ان المشكلة فى الحجاب بل المشكلة فى الفهم الخاطىء لمن ترتديه و هى لا تعرف ما يستتبعه من مسئولية حتى تحول الى شىء من العادات و التقاليد المظهرية الفارغة فى
مجتمعنا برغم كونه التزام دينى فى الاساس
اما بالنسبة لباقى كلامك فاعتقد انى رديت عليه فى تفنيد البوست السابق
بس احب اوضح حاجة و هو ان الاختلاف فى الرأى لايفسد للود و الاحترام المتبادل قضية و يجب مناقشة الامور بدون شخصنة و بدون الوقوع فى فخ التعميم الذى يخرج الكلام من سياقه و يجعل ماهو مفهوم و مقبول فى سياق معين يبدو خاطىء و غير مقبول فى سياق اخر
Rose:
برضه انا مش بالوم البنت على العموم و ياريت تقرى ردى على فانتوماس و برضه ماقصدش اى نوعية من اللبس زى ماقلت قى بداية البوست و ياريتها يا سيتى تيجى على قد النص كم ..ده النص كم منهى الاحترام اليومين دول و برضه بارجوكى عدم شخصنة الامور و التحول من مناقشة موضوعية لمشكلة او نموذج معين الى التعميم و القاء الاتهامات
احمد شوكير:
اهو الصراحة راحة فعلا و لو ان البوست اللى فات اثبت لى ان الصراحة احيانا و جع دماغ
بس انت ما قولتليش..انا ما بعرفش ايه بالظبط
عبده باشا:
كل و احد حر فى رأيه و على حسب ثقافته و تربيته يا باشا ..فالمثير بالنسبة لى ممكن يكون شىء عادى جدا بالنسبة لحد تانى
المهم انى كل واحد فبنا يحترم رأى التانى و يناقشه بالمنطق بدل من التجريح و القاء الاتهامات
و شخصنة الامور و يتحول النقاش لمهاجمة صاحب الرأى بدلا من مهاجمة الرأى
اما بالنسبة للكافور فالله الغنى ياعم و ربنا يكفينا شر النشفان و عدم الصلاحية للاستهلاك الادمى
بعدك على بالى:
و اطبق الوصفة دى كام مرة فى اليوم
و قبل الاكل ولا بعده
:)
زبيدة:
احييك يشدة على الموضوعية و القدرة على تمثل راى الاخر بمنطقية و بدون الانزلاق للتجريح او التعصب الزائد عن اللزوم
و اضم صوتى لصوتك فى ضرورة تخفيف الشباب من لبسهم و حركاتهم التى تثير المرأة فالبنات برضه تعبانين
و ممكن اكتب رسالة من شابة تعبانة فى بوست منفصل على راى عبده باشا لولا خوفى ان يتم اتهامى بالشذوذ او احتكار صورة المرأة او تشويه النموذج الانثوى من قبل سقراط
ما علينا
اهلا بيكى كنموذج صحى للاخر يا زبيدة
change destiny:
و بما ان البوست اللى فات زعل ناس كتير (و بالذات البنات) و بما ان زعلهم ما يهونش عليا و ماكنتش اتمنى ان بدايتى معاهم تكون اختلاف...هاحب اوضح بعض النقط بس عن طريق اعادة تفنيد السطور القليلة المكونة
للبوست السابق التى ربما اسىء فهمها و كل واحد فسرها على مزاجه لانها فعلا مختصرة جدا
الى اصحاب القلوب الرحيمة
يا ناس مش كده..حرام و الله العظيم حرام
ارحموا الشباب شوية..ده احنا لحم و دم يا ناس
بداية الرسالة شاب يوجه نداء لاصحاب القلوب الرحيمة وهو ببساطة شاب مالوش علاقات نسائية
قوية او بمعنى اخر يعنى ممشيش مع بنات و لا حسس و اعتذر و لا تحرش بحد من الجنس الاخر لا سمح الله
و اقوى علاقاته الحسية مع الجنس الاخر هى السلام باليد و بالتالى فنحن امام كتلة من الطاقة التى ترغب فى الانفجار
و لا تتحمل المزيد من الاثارة او الاستثارة
و طبعا مش محتاج اوضح ان الشاب ده اوضاعه المادية مش مدياه فرصة الجواز دلوقتى يعنى لو كان يقدر يتجوز كان ريحكوا و ريح نفسه و ريحنى انا كمان
و فى نفس الوقت ما حدش يطلع يقوللى ده نداء للغرائز و البوهيمية و ياى و حاجة تقرف و كلام من ده فالغريزة الجنسية متواجدة عند الرجل و المرأة على السواء و عدم وجود متنفس صحى لها يمثل مشكلة بالتأكيد ..صحيح ان قوة او عنفوان هذه الرغبة يختلف من شخص لاخر و لكنها فى النهاية غريزة موجودة و لايمكن تجاهلها او ادعاء عدم اهميتها
قولوا للبنات و الانسات و السيدات يهاودوها شوية..مش كده
مش اصول لبس خالص
ما هو يأما هما حرانين قوى الصيف ده او ان فى ازمة فى القماش
و كله على حساب صحتى
رجاء من نفس الشاب للبنات و الانسات و السيدات لمراعاة ظروف الشباب و الاحتشام قليلا فى الملابس و لاحظوا معايا هنا انه هنا قال البنات و لانسات و السيدات عموما..ماقالش مثلا اللى بيمشوا فى الشارع بس او اللى بيمشوا فى النادى بس و لكن النداء هنا موجه عموما للجنس الاخر كله و كل اشكال الاثارة العارمة القادمة من جهته سواء فى الاماكن العامة او فى و سائل الاعلام ..الخ
و كمان الراجل ماطلبش ان الستات كلها تتلف فى قماش من فوق لتحت لا سمح الله فى الحر الفظيع ده لكن برضه فى نوعية لبس يبقى خفيف و نص كم كمان و محترم فى نفس الوقت و ما يلفتش النظر و اللبس اللى اراجل بيتكلم عليه هنا هو اللبس المستفز الضيق المحدد اللى بيظهر تفاصيل الجسد او اللبس القصير جدا الذى يظهر اكثر مما يكشف و اعتقد ان هذه العينة تزايدت بشكل ملحوظ فى السنيين الاخيرة و اصبحت نوعية الملابس التى كانت تلفت النظر من خمس او ست سنيين شيئا عاديا هذه الايام و بالذات فى الصيف يحدث اشياء غير طبيعية و يتم استثارة الشباب بشكل فوق العادى فمثلا
الاترى بنت تلبس بنطلون ضيق جدا لدرجة انك ترى تجسيم عضوها الانثوى و تجسيد لباسها الداخلى
الا ترى بنت تتحرك و عندما تجلس او تقوم او تمشى تضع يدها بالخلف حتى تشد البنطلون الذى بدوره ضيق جدا و قصير جدا و لا تستطسع اختها الصغرى ان تلبسه و لكنها لبسته و تدارى مساحة كبيرة جدا من ظهرها العارى تماما و فى نفس اللحظة تعرفى لون لباسها الداخلى
الا ترى بنت تقوم بعمل عرض لصدرها و للمساحات المفتوحة فى التى شيرت
الا ترى البنات التى لا تلبس لباس الصدر و ترى صدرها الحر الحركة تماما
الا ترى التى شيرتات التى توضح البطن و السرة
الا ترى الخلخال الذى تلبس معظم بنات هذا العصر
الا ترى بنت تدخن الشيشة او سجائر على المقاهى و ضحك بصوت جهورى
الا ترى البنت التى تمشى و ورائها سيارة و تنادى عليها و تركب فى كلمة ؟؟؟؟؟؟؟؟؟ ..ده غلط و ده
و مش محتاج اقول طبعا ان الظاهرة دى واضحة للعيان جدا فى الحضر و المدن بالدرجة الاولى مش فى الريف و الصعيد مثلا يعنى فمحدش يتذاكى و يستعبط و يقوللى المناظر دى نشوفها فيين او انى بمشى فى شوارع تانية غير اللى الناس بتمشى فيها
و مش معنى كده برضه انى بدى مبرر لاى شخص حالته صعبة انه يعاكس او يتحرش بالبنات فى الشارع و اقول البنات هما اللى يستاهلوا و اقول اللوم على البنت بس... بالعكس ان ضد ده تماما و الحقيقة ان اللوم على الاتنين لو البنت لبسها مستفز و على الولد بس لو البنت لبسها محترم
مش عارف اعمل ايه؟
اتجوز و اقعد فى البيت....و لا ارتكب الخطيئة
تساؤل تهكمى يحمل نوع من المبالغة و السخرية الواضحة للدلالة على الضغط الذى يواجهه هذا الشاب
و كل من سيأخذه محمل الجدية الشديدة و تركيزه على دلالته لفظيا سيعتقد ان هذا الشاب لا يمكنه السيطرة على نفسه و حالته ميئوس منها.. و هو ما يخالف الواقع
و بعد هذا التفنيد للبوست اعتقد ان استطيع الرد على الذين تفضلوا بالتعليق
فانتوماس:
انا ما قصدش الوم الستات بس لكن الشاب صاحب الرسالة ماسك نفسه فعلا لغاية دلوقتى و كل ما يرجوه من الستات للى مزويدنها فى موضوع اللبس ده انهم يساعدوه مش اكتر...علشان يفضل حاكم نفسه
tarek:
شكرا يا باشا..مانجيلكش فى حاجة و حشة
zanoubia:
لا مش ناقصات عقل و دين ولا حاجة و الست تتحمل مسئوليتها عن افعالها تمام زيها زى الراجل
shaimaa:
يارب يعينا و يعينكوا يا شيماء لغاية ما نتجوز و نرتاح
solom:
الله ينور عليك يا سولوم
socrates:
بداية احب اقلك ان زيت الكافور مش حل و زيه تمام زى العادة السرية عند الرجال و النساء فسواء الكافور او العادة السرية هى طرق لاخماد او تفريغ طاقة بيولوجية بطريقة غير الطريقة السليمة و الصحيحة و هى العلاقة الجنسية بين الرجل و المرأة و التى من المفترض ان الشكل الجتماعى السليم لها هو الزواج و يا سلام لوكان عن حب
الحل الاخر الذى تقترحيه هو التحكم فى الغرائز و هو حل اصعب فعلا و مش كل الناس تقدر عليه يمكن لان ربنا خلقلنا الغرائز بهدف اساسى لممارستها و ليس كبتها و لكن لا بد ان تكون الممارسة فى اطار اجتماعى سليم و هو الزواج و ليس لهدف الاستمتاع الصرف بالغرائز فقط و لكن هذا الاستمتاع تعقبه نتيجة اسمى و هى اعمار الارض باستمرار النسل و بما ان النموذج اللى احنا بناقشه مش قادر يصل للحل الاجتماعى و الانسانى السليم و هو الزواج فبالتالى ما فيش قدامنا فعلا غير اننا ننصحه زى مانتى بتقولى بمحاولة التحكم فى غرائزه رغم الصعوبة الشديدة لهذا الحل الذى قد يضطر صاحبه لممارسة انواع مخففة من السلوك الغير سوى (كالعادة السرية) لمنع نفسه من ممارسة علاقات اشد انحرافا (كالعلاقات الجنسية الغير شرعية )
بالنسبة لاحترام جسد المرأة و معاملته كجسد الرجل اتفق معاكى تماما و لا ادرى لماذا تتهمينى بأنى لا احترم جسد المرأة ..بالعكس فأن عرى جسد المرأة على الملأ و اتاحة مساحة كبيرة منه لمشاهدة اكبر نسبة من الناس
هو اشد مظاهر عدم احترام جسد المرأة و خصوصيته و المرأة التى تعرى جزء كبير من جسدها او تبدى تفاصيله للأخرين على الملاء هى التى قللت من احترام جسدها من الاساس و الدعوة للاعتدال فى ملابس المرأة هى دعوة لاحترام جسد المراة بالاساس
بالنسبة لنسبة الحجاب اللى ذكرتيها فهى لاتدل على شىء لان الحجاب مش مجرد غطاء للرأس بل هو سلوك و مظهر محترم فى الاساس و هناك الكثير من المحجبات غير المحترمات كما ان هناك الكثير من الغير محجبات قمة فى الادب و الاحترام و ليس معنى ذللك ان المشكلة فى الحجاب بل المشكلة فى الفهم الخاطىء لمن ترتديه و هى لا تعرف ما يستتبعه من مسئولية حتى تحول الى شىء من العادات و التقاليد المظهرية الفارغة فى
مجتمعنا برغم كونه التزام دينى فى الاساس
اما بالنسبة لباقى كلامك فاعتقد انى رديت عليه فى تفنيد البوست السابق
بس احب اوضح حاجة و هو ان الاختلاف فى الرأى لايفسد للود و الاحترام المتبادل قضية و يجب مناقشة الامور بدون شخصنة و بدون الوقوع فى فخ التعميم الذى يخرج الكلام من سياقه و يجعل ماهو مفهوم و مقبول فى سياق معين يبدو خاطىء و غير مقبول فى سياق اخر
Rose:
برضه انا مش بالوم البنت على العموم و ياريت تقرى ردى على فانتوماس و برضه ماقصدش اى نوعية من اللبس زى ماقلت قى بداية البوست و ياريتها يا سيتى تيجى على قد النص كم ..ده النص كم منهى الاحترام اليومين دول و برضه بارجوكى عدم شخصنة الامور و التحول من مناقشة موضوعية لمشكلة او نموذج معين الى التعميم و القاء الاتهامات
احمد شوكير:
اهو الصراحة راحة فعلا و لو ان البوست اللى فات اثبت لى ان الصراحة احيانا و جع دماغ
بس انت ما قولتليش..انا ما بعرفش ايه بالظبط
عبده باشا:
كل و احد حر فى رأيه و على حسب ثقافته و تربيته يا باشا ..فالمثير بالنسبة لى ممكن يكون شىء عادى جدا بالنسبة لحد تانى
المهم انى كل واحد فبنا يحترم رأى التانى و يناقشه بالمنطق بدل من التجريح و القاء الاتهامات
و شخصنة الامور و يتحول النقاش لمهاجمة صاحب الرأى بدلا من مهاجمة الرأى
اما بالنسبة للكافور فالله الغنى ياعم و ربنا يكفينا شر النشفان و عدم الصلاحية للاستهلاك الادمى
بعدك على بالى:
و اطبق الوصفة دى كام مرة فى اليوم
و قبل الاكل ولا بعده
:)
زبيدة:
احييك يشدة على الموضوعية و القدرة على تمثل راى الاخر بمنطقية و بدون الانزلاق للتجريح او التعصب الزائد عن اللزوم
و اضم صوتى لصوتك فى ضرورة تخفيف الشباب من لبسهم و حركاتهم التى تثير المرأة فالبنات برضه تعبانين
و ممكن اكتب رسالة من شابة تعبانة فى بوست منفصل على راى عبده باشا لولا خوفى ان يتم اتهامى بالشذوذ او احتكار صورة المرأة او تشويه النموذج الانثوى من قبل سقراط
ما علينا
اهلا بيكى كنموذج صحى للاخر يا زبيدة
change destiny:
انا اسف حدا اذا كنت اتفهمت غلط و ارجو انى اكون فدر اوضح و جهة نظرى لاننا ما نقدرش على زعل او غيظ سيادتك
مهندس مسلم:
لافض فوك يابنى و الله لخصت و انجزت و جبت من الاخر
تعليق صح الصح بصراحة
عوليس:
بوست ايدى شعر و دقن يا باشا
وربنا يفرجها علينا جميعا يا رب
و يريح كل تعبان
حائر:
يارب يرزقنا جوازة كويسة نلاقى فيها بنت الحلال
لان فعلا الزوجة الصالحة هى جنة الله فى الارض
يا مسهل
11 رأيك يـهـم:
اشكرك على الايضاح و الرد و ذلك للفهم الخاطىء لكلماتك السابقة
دائما تبدع يااتش مش بس فى اختيارك لموضوعات مهمه تصيغها بشكل جميل، ولكن لانك بتعرف تحترم الاختلاف مع الناس مهما بلغت درجة الحدة.. الجميل انك كتبت بوست مختلف مضمونا وشكلا أيضا... المضمون تأكيد وشرح لما سبق بصورة أكثر عقلانية وانا شخصيا ومن البوست السابق متفقه معاك فى كل كلمة و ان كنت اخترت يكون تعليقى ساخر مش من باب التسطيح ولا السخرية لما كتبت ولكن يمكن محاولة للتخفيف ..
اما الشكل فانا باحييك عليه واتصور انك اول حد يعمله تكتب بوست توضح فيه رؤيتك وكمان تعلق على من اختلفوا معك والاهم لاتتجاهل بالتعليق اى شخص....
جميل يا اتش..
تحياتي
واسجل متابعتي لمواضعيك المتميزة
انتظرني قريبا ودائماً عندك
وشكــــــــراً
تحياتىارجو التواصل ونشر هذه المسابقة على مدونتك
وممكن تبقى انت المشرف لتلقى الأعمال ارجوك تعاون معى
تحياتى لك
جميل رغم عدم تعليقى عليه
لكن متميز
تحياتى
والله يا هشام ياخويا...
انت عندك حق.. انا ساسعات بتاذى ذات نفسى -وانا بنت وهى بنت- من اللبس.. وبجد بنكسف
:S
وبحسه اكتر منه ابتذال وكلام كدة.. ان جسد المرأة بيبقى رخيص قوى
:S :S :S
بس بينى وبينك برضو اللى قبلى كانوا بيقصدوا حاجة -عن نفسى- بعانى منها
لا والله مهما لبست ولا عملت فى نفسك تلاقينى محرجة فى مشيتى.. لاء فى رجالة -ودول الاغلب دلوقتى- عينهم محتاجة جوزين ديناميت عشان اخلص يعنى....
مم.. بس كدة او كدة... اثبت.. خليك قدها
وكل ماتشوف منظر من اياهم قول
اعوذ بالله من الشيطان الرجيم وغير وضعك
وفوكك
انا اصلا فوجئت اني معلق وقعدت افتكر الرد بتاعي كتبته امتى وازاي وليه ؟
أعتقد ان الاغنية كانت شغالة ساعة مادخلت اكتب التعليق فكتبت الأغنية
عموما فكرة جديدة الرد على التعليقات في بوست
.....(هوة لا صوت و لا صورة يا شيخ عبدالبارى)
عزيزى هش (عدو المرأةو الحرية و الفمينيزم) ....ما تسيبهم على راحتهم يا أخى،ماتبقاش قطاع ارزاق
lol
والله موضوع زي العسل
وانا متفقة مع لست ادري
ده احنا يا بنات بنشوف مناظر تقرف بصراحة
وبنغض بصرنا
امال الشباب يهمل ايه
بس الغلط ع البنت اللي تنزل من بيتها بالشكل ده
و الولد اللي بيبص هو كمان
اللي عجبني بقي في الموضوعين اسلوب هشام باشا..و الرد و النقد و التعليق..و الاختلاف في الرأي لا يفسد للود قضية
:)
فين الجديد؟؟؟؟؟؟؟؟
فينك؟؟؟
solom:
يدوم العز يا زعيم
بعدك على بالى:
متشكر جدا يا ست الكل و مجرد بس تعليقك عندى مهما كان فهو بالتأكيد بيرفع من روحى المعنوية
صاحب البوابة:
تشرف و تأنس يا فندم
ده احنا نفرشلك الارض بوستات
:)
جمال الدولى:
ما عنديش مانع ياباشا
مع انى مش فاهم مسابقة ايه بالظبط بس على العموم الميل بتاعى اهو
heshpmano@yahoo.com
نقدر تتواصل معايا زى مانت عايز
ابو امل:
اهلا بيك دايما يا ابو امل
last adri blue:
ايه ده؟
بنت موافقانى فى رأيى فى موضوع اللبس اياه؟
انا مش مصق اللى انا شايفه بعنيه
:)
ع العموم يا فندم الولد اللى يعاكس او يبص لبنت لبسها محترم يستاهل هة نفسه جوزين ديناميت مش عنيه بس
على العموم زى ما فى ستات لبسها مش محترم برضه فى رجاله عندها بعيد عنك دناوة ماوردتش على حد و الامر برضه مايخلاش
ما علينا
فوكك انتى و اللى يبصللك امسحى بيه
الارض
شوكير باشا:
هاقوللك ايه بس يا زعيم غير ان دماغك عالية و متكلفة
:)
علق براحتك ياباشا ولا بهمك
وانا هابقى احاول افهم التعليق اذاكان من وحى البوست اللى انا كاتبه ولا من وحى حاجة تانية
:)
اياكش تولع:
اه و الله يا محمد
سيبهم..عاملين جو
و الناس شقيانة
epitaph:
والله العظيم انا الحاجة داعية لى النهاردة
تانى تعليق من بنت متفقة معايا فى نفس الموضوع
لا لا كده كتير
:)
على العموم يا فندم متشكر جدا على التعليق الجميل و المساندة المعنوية
روحى يا شيخة
ربنا
يجعللك فى كل بوست 100 تعليق
:)
Post a Comment